تقميط الأطفال عادة شائعة خاطئة 🚫

🗯 كان يا مكان بقديم الزمان كان في أكلة اسمها #ورق_البيبي 🙂 هيي عبارة عن بيبي بتحطيه بالطشط بتكبي عليه ليترين زيت خريج و3 كياس ملح وبعدها بتلفيه متل ما بتلفي اليبرق تمامًا 🙂 ◾️ عجبتك القصة مامي 🌚 اي يلا تعالي نكفيلك الحكاية؛ وصلنا لمقطع اللف مو 🌚 ◾️ بتقلك أم فوزي لفيه منشان تقوى عضلاتو وحرام جسمو طري ما رح تعرفي تحمليه، وأنتي يا ماما بتقعدي بتعصريني عصر وبصير بالفعل حس حالي يبرقة شاردة 🤦‍♀️. ◾️ ماما، هاد اللف العنيف لجسمي، وخاصة وقت تشدي كتير حول الوركين، عم يعرضني لخطر #خلع_الورك_الولادي. ◾️ وقت بتشدي على صدري يا ماما بتأثري على تنفسي، وممكن تسببلي مشاكل بالتنفس. ◾️ إذا شفتيني رافض الأسر والسجن يلي جابرتيني عليه وعم اتحرك كتير بورق اللف تبعك، فلا تعندي وتخليني هيك مقيد، لأنو هالشي بزيد من خطر إصابتي بمتلازمة #موت_الرضيع_المفاجئ، بعيد الشر عن قلبي 😢 ◾️ ماما، أنا عم احكيلك عن التقميط، يعني اللف بطريقة شديدة وعاصرة. أما اللف المعتدل، مع ترك مساحة مناسبة لحركة الوركين، فهو مختلف. المهم ما يكون اللف مشدودًا، والتوقف عن التقميط بمجرد ظهور علامات محاولة التدحرج. ◾️ ليكي يا نور عيوني، من آخرتها: التقميط عادة متوارثة، ولازم نميّز بين الممارسات الآمنة والخاطئة بناءً على الأدلة العلمية. في طرق تانية لتهدئتي وتعطيني الإحساس بالأمان، ولهيك يا ماما اهتمي بسلامتي قبل كل شي ❤️ #لا_للتقميط_الخاطئ ✋❤️ وعلى قلبكم كل الصحة والعافية ❤️🙏 كنت معكم الطبيبة سماح صالح محمد